توحید

زندہ قوت تھی جہاں میں یہی توحید کبھی

آج کیا ہے، فقط اک مسئلہء علم کلام

روشن اس ضو سے اگر ظلمت کردار نہ ہو

خود مسلماں سے ہے پوشیدہ مسلماں کا مقام

میں نے اے میر سپہ! تیری سپہ دیکھی ہے

'قل ھو اللہ، کی شمشیر سے خالی ہیں نیام

آہ! اس راز سے واقف ہے نہ ملا، نہ فقیہ

وحدت افکار کی بے وحدت کردار ہے خام

قوم کیا چیز ہے، قوموں کی امامت کیا ہے

!اس کو کیا سمجھیں یہ بیچارے دو رکعت کے امام

zinda quwwat thi jahan mein yahi tauhid kabhi

aj kya hai, faqat ik masilah ilm-e-kalam

raushan is zau se agar zulmat-e-kirdar na ho

khud musalman se hai poshida musalman ka maqam

main ne ai mir-e-sipah! teri sipah dekhi hai

'qul ho allah, ki shamshir se khali hain niyam

ah! is raz se waqif hai na mila, na faqih

wahdat afkar ki be wahdat-e-kirdar hai kham

qaum kya chiz hai, qaumon ki imamat kya hai

!us ko kya samjhen ye bechare do rakat ke imam