ابلیس کی عرضداشت

کہتا تھا عزازیل خداوند جہاں سے

!پرکالہء آتش ہوئی آدم کی کف خاک

جاں لاغر و تن فربہ و ملبوس بدن زیب

!دل نزع کی حالت میں ، خرد پختہ و چالاک

ناپاک جسے کہتی تھی مشرق کی شریعت

!مغرب کے فقیہوں کا یہ فتوی ہے کہ ہے پاک

تجھ کو نہیں معلوم کہ حوران بہشتی

ویرانی جنت کے تصور سے ہیں غم ناک؟

جمہور کے ابلیس ہیں ارباب سیاست

!باقی نہیں اب میری ضرورت تہ افلاک

kahta tha azazil khudawand-e-jahan se

!parkalah atish hui adam ki kaf-e-khak

jan laghar-o-tan farba-o-malbus badan zeb

!dil nazaa ki halat mein, khirad pukhta-o-chalak

napak jise kahti thi mashriq ki shariat

!maghrib ke faqihon ka ye fatwa hai ke hai pak

tujh ko nahin maalum ke huran-e-bahishti

wirani-e-jannat ke tasawwur se hain gham nak?

jamhur ke iblis hain arbab-e-siyasat

!baqi nahin ab meri zarurat tah-e-aflak