مٹا دیا مرے ساقی نے عالم من و تو

مٹا دیا مرے ساقی نے عالم من و تو

پلا کے مجھ کو مے لا الہ الا ھو

نہ مے ،نہ شعر ، نہ ساقی ، نہ شور چنگ و رباب

!سکوت کوہ و لب جوے و لالہ خود رو

گدائے مے کدہ کی شان بے نیازی دیکھ

!پہنچ کے چشمہ حیواں پہ توڑتا ہے سبو

مرا سبوچہ غنیمت ہے اس زمانے میں

کہ خانقاہ میں خالی ہیں صوفیوں کے کدو

میں نو نیاز ہوں ، مجھ سے حجاب ہی اولی

کہ دل سے بڑھ کے ہے میری نگاہ بے قابو

اگرچہ بحر کی موجوں میں ہے مقام اس کا

صفائے پاکی طینت سے ہے گہر کا وضو

جمیل تر ہیں گل و لالہ فیض سے اس کے

نگاہ شاعر رنگیں نوا میں ہے جادو

mita diya mire saqi ne alam-e-man-o-to

pila ke mujh ko mai la ala illa ho

na mai,na sher, na saqi, na shor-e-chang-o-rabab

!sukut-e-koh-o-lab-e-juwe-o-lala khud ro

gadae mai kada ki shan-e-be niyazi dekh

!pahunch ke chashma-e-haiwan pe torta hai subu

mira subucha ghanimat hai is zamane mein

ke khanqah mein khali hain sufiyon ke kaddu

main nau niyaz hun, mujh se hijab hi aula

ke dil se barh ke hai meri nigah-e-be qabu

agarche bahr ki maujon mein hai maqam us ka

safa-e-paki-e-tinat se hai guhar ka wuzu

jamil tar hain gul-o-lala faiz se us ke

nigah-e-shayar-e-rangin nawa mein hai jadu