میری نوائے شوق سے شور حریم ذات میں

میری نوائے شوق سے شور حریم ذات میں

غلغلہ ہائے الاماں بت کدئہ صفات میں

حور و فرشتہ ہیں اسیر میرے تخیلات میں

میری نگاہ سے خلل تیری تجلیات میں

گرچہ ہے میری جستجو دیر و حرم کی نقش بند

میری فغاں سے رستخیز کعبہ و سومنات میں

گاہ مری نگاہ تیز چیر گئی دل وجود

گاہ الجھ کے رہ گئی میرے توہمات میں

تو نے یہ کیا غضب کیا، مجھ کو بھی فاش کر دیا

!میں ہی تو اک راز تھا سینہء کائنات میں

meri nawa-e-shauq se shor-e-harim-e-zat mein

ghalghala ha-e-alaman but kadeh sifat mein

hur-o-farishta hain asir mere takhayyulat mein

meri nigah se khalal teri tajliyat mein

garche hai meri justuju dair-o-haram ki naqsh band

meri fughan se rustkhez kaaba-o-somnat mein

gah miri nigah-e-tez chir gai dil-e-wajud

gah ulajh ke rah gai mere tawahhumat mein

tu ne ye kya ghazab kiya, mujh ko bhi fash kar diya

!main hi to ik raz tha senah kainat mein