تہذیب حاضر

حرارت ہے بلاکی بادئہ تہذیب حاضر میں

بھڑک اٹھا بھبوکا بن کے مسلم کا تن خاکی

کیا ذرے کو جگنو دے کے تاب مستعار اس نے

کوئی دیکھے تو شوخی آفتاب جلوہ فرما کی

نئے انداز پائے نوجوانوں کی طبیعت نے

یہ رعنائی ، یہ بیداری ، یہ آزادی ، یہ بے باکی

تغیر آگیا ایسا تدبر میں، تخیل میں

ہنسی سمجھی گئی گلشن میں غنچوں کی جگر چاکی

کیا گم تازہ پروازوں نے اپنا آشیاں لیکن

مناظر دلکشا دکھلا گئی ساحر کی چالاکی

حیات تازہ اپنے ساتھ لائی لذتیں کیا کیا

رقابت ، خودفروشی ، ناشکیبائی ، ہوسناکی

فروغ شمع نو سے بزم مسلم جگمگا اٹھی

مگر کہتی ہے پروانوں سے میری کہنہ ادراکی

تو اے پروانہ ! ایں گرمی ز شمع محفلے داری ''

''چو من در آتش خود سوز اگر سوز دلے داری

hararat hai bilaki badeh tahzib-e-hazir mein

bharak utha bhabuka ban ke muslim ka tan-e-khaki

kiya zarre ko jugnu de ke tab-e-mustaar us ne

koi dekhe to shokhi aftab-e-jalwa farma ki

nae andaz-e-pae naujawanon ki tabiat ne

ye raanai, ye bedari, ye azadi, ye be baki

taghayyur agya aisa tadabbur mein, takhayyul mein

hansi samjhi gai gulshan mein ghunchon ki jigar chaki

kiya gum taza parwazon ne apna ashiyan lekin

manazir dilkusha dikhla gai sahir ki chalaki

hayat-e-taza apne sath lai lazzaten kya kya

raqabat, khudfaroshi, nashikebai, hawasnaki

farogh-e-sham-e-nau se bazm-e-muslim jagmaga uthi

magar kahti hai parwanon se meri kohna idraki

tu ai parwana! ain garmi ze sham-e-mahfale dari ''

''chau man dar atish-e-khud soz agar soz-e-dale dari