یہ میں بھی کیا ہوں اسے بھول کر اسی کا رہا

یہ میں بھی کیا ہوں اسے بھول کر اسی کا رہا

کہ جس کے ساتھ نہ تھا ہم سفر اسی کا رہا

وہ بت کہ دشمن دیں تھا بقول ناصح کے

سوال سجدہ جب آیا تو در اسی کا رہا

ہزار چارہ گروں نے ہزار باتیں کیں

کہا جو دل نے سخن معتبر اسی کا رہا

بہت سی خواہشیں سو بارشوں میں بھیگی ہیں

میں کس طرح سے کہوں عمر بھر اسی کا رہا

کہ اپنے حرف کی توقیر جانتا تھا فرازؔ

اسی لیے کف قاتل پہ سر اسی کا رہا

ye main bhi kya hun use bhul kar usi ka raha

ke jis ke sath na tha ham safar usi ka raha

wo but ke dushman den tha baqaul naseh ke

sawal sajda jab aya to dar usi ka raha

hazar chara garon ne hazar baten kin

kaha jo dil ne sukhan motabar usi ka raha

bahut si khwahishen so barishon mein bhigi hain

main kis tarah se kahun umr bhar usi ka raha

ke apne harf ki tauqir janta tha faraz

isi liye kaf-e-qatil pe sar usi ka raha