اپنی ہی آواز کو بے شک کان میں رکھنا

اپنی ہی آواز کو بے شک کان میں رکھنا

لیکن شہر کی خاموشی بھی دھیان میں رکھنا

میرے جھوٹ کو کھولو بھی اور تولو بھی تم

لیکن اپنے سچ کو بھی میزان میں رکھنا

کل تاریخ یقیناً خود کو دہرائے گی

آج کے اک اک منظر کو پہچان میں رکھنا

بزم میں یاروں کی شمشیر لہو میں تر ہے

رزم میں لیکن تلوار کو میان میں رکھنا

آج تو اے دل ترک تعلق پر تم خوش ہو

کل کے پچھتاوے کو بھی امکان میں رکھنا

اس دریا سے آگے ایک سمندر بھی ہے

اور وہ بے ساحل ہے یہ بھی دھیان میں رکھنا

اس موسم میں گل دانوں کی رسم کہاں ہے

لوگو اب پھولوں کو آتش دان میں رکھنا

apni hi awaz ko be shak kan mein rakhna

lekin shahr ki khamoshi bhi dhyan mein rakhna

mere jhut ko kholo bhi aur tolo bhi tum

lekin apne sach ko bhi mizan mein rakhna

kal tarikh yaqinan khud ko dohraegi

aj ke ik ik manzar ko pahchan mein rakhna

bazm mein yaron ki shamshir lahu mein tar hai

razm mein lekin talwar ko miyan mein rakhna

aj to ai dil tark-e-taalluq par tum khush ho

kal ke pachhtawe ko bhi imkan mein rakhna

is dariya se age ek samundar bhi hai

aur wo be sahil hai ye bhi dhyan mein rakhna

is mausam mein gul danon ki rasm kahan hai

logo ab phulon ko atish dan mein rakhna