جب ہر اک شہر بلاؤں کا ٹھکانہ بن جائے

جب ہر اک شہر بلاؤں کا ٹھکانہ بن جائے

کیا خبر کون کہاں کس کا نشانہ بن جائے

عشق خود اپنے رقیبوں کو بہم کرتا ہے

ہم جسے پیار کریں جان زمانہ بن جائے

اتنی شدت سے نہ مل تو کہ جدائی چاہیں

یہی قربت تری دوری کا بہانہ بن جائے

جو غزل آج ترے ہجر میں لکھی ہے وہ کل

کیا خبر اہل محبت کا ترانہ بن جائے

کرتا رہتا ہوں فراہم میں زر زخم کہ یوں

شاید آئندہ زمانوں کا خزانہ بن جائے

اس سے بڑھ کر کوئی انعام ہنر کیا ہے فرازؔ

اپنے ہی عہد میں اک شخص فسانہ بن جائے

jab har ik shahr balaon ka thikana ban jae

kya khabar kaun kahan kis ka nishana ban jae

ishq khud apne raqibon ko baham karta hai

ham jise pyar karen jan zamana ban jae

itni shiddat se na mil to ke judai chahen

yahi qurbat tiri duri ka bahana ban jae

jo ghazal aj tire hijr mein likhi hai wo kal

kya khabar ahl-e-mohabbat ka tarana ban jae

karta rahta hun faraham mein zar zakhm ke yun

shayad ainda zamanon ka khazana ban jae

is se barh kar koi inam-e-hunar kya hai faraz

apne hi ahd mein ik shakhs fasana ban jae