وہ دشمن جاں جان سے پیارا بھی کبھی تھا

وہ دشمن جاں جان سے پیارا بھی کبھی تھا

اب کس سے کہیں کوئی ہمارا بھی کبھی تھا

اترا ہے رگ و پے میں تو دل کٹ سا گیا ہے

یہ زہر جدائی کہ گوارا بھی کبھی تھا

ہر دوست جہاں ابر گریزاں کی طرح ہے

یہ شہر کبھی شہر ہمارا بھی کبھی تھا

تتلی کے تعاقب میں کوئی پھول سا بچہ

ایسا ہی کوئی خواب ہمارا بھی کبھی تھا

اب اگلے زمانے کے ملیں لوگ تو پوچھیں

جو حال ہمارا ہے تمہارا بھی کبھی تھا

ہر بزم میں ہم نے اسے افسردہ ہی دیکھا

کہتے ہیں فرازؔ انجمن آرا بھی کبھی تھا

wo dushman-e-jan jan se pyara bhi kabhi tha

ab kis se kahin koi hamara bhi kabhi tha

utra hai rag-o-pe mein to dil kat sa gaya hai

ye zahr judai ke gawara bhi kabhi tha

har dost jahan abr gurezan ki tarah hai

ye shahr kabhi shahr hamara bhi kabhi tha

titli ke taaqub mein koi phul sa bachcha

aisa hi koi khwab hamara bhi kabhi tha

ab agle zamane ke milen log to puchhen

jo hal hamara hai tumhara bhi kabhi tha

har bazm mein ham ne use afsurda hi dekha

kahte hain faraz anjuman ara bhi kabhi tha