یہ شہر سحر زدہ ہے صدا کسی کی نہیں

یہ شہر سحر زدہ ہے صدا کسی کی نہیں

یہاں خود اپنے لیے بھی دعا کسی کی نہیں

خزاں میں چاک گریباں تھا میں بہار میں تو

مگر یہ فصل ستم آشنا کسی کی نہیں

سب اپنے اپنے فسانے سناتے جاتے ہیں

نگاہ یار مگر ہم نوا کسی کی نہیں

میں آج زد پہ اگر ہوں تو خوش گمان نہ ہو

چراغ سب کے بجھیں گے ہوا کسی کی نہیں

فرازؔ اپنی جگر کاویوں پہ ناز نہ کر

کہ یہ متاع ہنر بھی سدا کسی کی نہیں

ye shahr-e-sehr zada hai sada kisi ki nahin

yahan khud apne liye bhi dua kisi ki nahin

khizan mein chak-e-gareban tha main bahar mein to

magar ye fasl-e-sitam ashna kisi ki nahin

sab apne apne fasane sunate jate hain

nigah-e-yar magar ham nawa kisi ki nahin

main aj zad pe agar hun to khush guman na ho

charagh sab ke bujhenge hua kisi ki nahin

faraz apni jigar kawiyon pe naz na kar

ke ye mata-e-hunar bhi sada kisi ki nahin