خود کو ترے معیار سے گھٹ کر نہیں دیکھا

خود کو ترے معیار سے گھٹ کر نہیں دیکھا

جو چھوڑ گیا اس کو پلٹ کر نہیں دیکھا

میری طرح تو نے شب ہجراں نہیں کاٹی

میری طرح اس تیغ پہ کٹ کر نہیں دیکھا

تو دشنۂ نفرت ہی کو لہراتا رہا ہے

تو نے کبھی دشمن سے لپٹ کر نہیں دیکھا

تھے کوچۂ جاناں سے پرے بھی کئی منظر

دل نے کبھی اس راہ سے ہٹ کر نہیں دیکھا

اب یاد نہیں مجھ کو فرازؔ اپنا بھی پیکر

جس روز سے بکھرا ہوں سمٹ کر نہیں دیکھا

khud ko tire meyar se ghut kar nahin dekha

jo chhor gaya us ko palat kar nahin dekha

meri tarah tu ne shab-e-hijran nahin kati

meri tarah is tegh pe kat kar nahin dekha

tu dashna-e-nafrat hi ko lahrata raha hai

tu ne kabhi dushman se lipat kar nahin dekha

the kucha-e-janan se pare bhi kai manzar

dil ne kabhi is rah se hat kar nahin dekha

ab yad nahin mujh ko faraz apna bhi paikar

jis roz se bikhra hun simat kar nahin dekha