جان سے عشق اور جہاں سے گریز

جان سے عشق اور جہاں سے گریز

دوستوں نے کیا کہاں سے گریز

ابتدا کی تیرے قصیدے سے

اب یہ مشکل کروں کہاں سے گریز

میں وہاں ہوں جہاں جہاں تم ہو

تم کرو گے کہاں کہاں سے گریز

کر گیا میرے تیرے قصے میں

داستاں گو یہاں وہاں سے گریز

جنگ ہاری نہ تھی ابھی کہ فرازؔ

کر گئے دوست درمیاں سے گریز

jan se ishq aur jahan se gurez

doston ne kiya kahan se gurez

ibtida ki tere qaside se

ab ye mushkil karun kahan se gurez

main wahan hun jahan jahan tum ho

tum karoge kahan kahan se gurez

kar gaya mere tere qisse mein

dastan go yahan wahan se gurez

jang hari na thi abhi ke faraz

kar gae dost darmiyan se gurez