Arooz is now on the App Store, for iPhone and iPad. Download →

All poetry

دل منافق تھا شب ہجر میں سویا کیسا

Ahmad Faraz (1931–2008)

دل منافق تھا شب ہجر میں سویا کیسا

اور جب تجھ سے ملا ٹوٹ کے رویا کیسا

زندگی میں بھی غزل ہی کا قرینہ رکھا

خواب در خواب ترے غم کو پرویا کیسا

اب تو چہروں پہ بھی کتبوں کا گماں ہوتا ہے

آنکھیں پتھرائی ہوئی ہیں لب گویا کیسا

دیکھ اب قرب کا موسم بھی نہ سرسبز لگے

ہجر ہی ہجر مراسم میں سمویا کیسا

ایک آنسو تھا کہ دریائے ندامت تھا فرازؔ

دل سے بے باک شناور کو ڈبویا کیسا