لے اڑا پھر کوئی خیال ہمیں

لے اڑا پھر کوئی خیال ہمیں

ساقیا ساقیا سنبھال ہمیں

رو رہے ہیں کہ ایک عادت ہے

ورنہ اتنا نہیں ملال ہمیں

خلوتی ہیں ترے جمال کے ہم

آئنے کی طرح سنبھال ہمیں

مرگ انبوہ جشن شادی ہے

مل گئے دوست حسب حال ہمیں

اختلاف جہاں کا رنج نہ تھا

دے گئے مات ہم خیال ہمیں

کیا توقع کریں زمانے سے

ہو بھی گر جرأت سوال ہمیں

ہم یہاں بھی نہیں ہیں خوش لیکن

اپنی محفل سے مت نکال ہمیں

ہم ترے دوست ہیں فرازؔ مگر

اب نہ اور الجھنوں میں ڈال ہمیں

le ura phir koi khayal hamen

saqiya saqiya sambhal hamen

ro rahe hain ke ek adat hai

warna itna nahin malal hamen

khalwati hain tire jamal ke ham

aine ki tarah sambhal hamen

marg amboh jashn-e-shadi hai

mil gae dost hasb-e-hal hamen

ikhtilaf jahan ka ranj na tha

de gae mat ham khayal hamen

kya tawaqqo karen zamane se

ho bhi gar jurat-e-sawal hamen

ham yahan bhi nahin hain khush lekin

apni mahfil se mat nikal hamen

ham tire dost hain faraz magar

ab na aur uljhanon mein dal hamen