گماں یہی ہے کہ دل خود ادھر کو جاتا ہے

گماں یہی ہے کہ دل خود ادھر کو جاتا ہے

سو شک کا فائدہ اس کی نظر کو جاتا ہے

حدیں وفا کی بھی آخر ہوس سے ملتی ہیں

یہ راستہ بھی ادھر سے ادھر کو جاتا ہے

یہ دل کا درد تو عمروں کا روگ ہے پیارے

سو جائے بھی تو پہر دو پہر کو جاتا ہے

یہ حال ہے کہ کئی راستے ہیں پیش نظر

مگر خیال تری رہگزر کو جاتا ہے

تو انوریؔ ہے نہ غالبؔ تو پھر یہ کیوں ہے فرازؔ

ہر ایک سیل بلا تیرے گھر کو جاتا ہے

guman yahi hai ke dil khud idhar ko jata hai

so shak ka faida us ki nazar ko jata hai

haden wafa ki bhi akhir hawas se milti hain

ye rasta bhi idhar se idhar ko jata hai

ye dil ka dard to umron ka rog hai pyare

so jae bhi to pahar do pahar ko jata hai

ye hal hai ke kai raste hain pesh-e-nazar

magar khayal tiri rahguzar ko jata hai

tu anwari hai na ghalib to phir ye kyun hai faraz

har ek sail-e-bala tere ghar ko jata hai