نہ منزلوں کو نہ ہم رہ گزر کو دیکھتے ہیں

نہ منزلوں کو نہ ہم رہ گزر کو دیکھتے ہیں

عجب سفر ہے کہ بس ہم سفر کو دیکھتے ہیں

نہ پوچھ جب وہ گزرتا ہے بے نیازی سے

تو کس ملال سے ہم نامہ بر کو دیکھتے ہیں

ترے جمال سے ہٹ کر بھی ایک دنیا ہے

یہ سیر چشم مگر کب ادھر کو دیکھتے ہیں

عجب فسون خریدار کا اثر ہے کہ ہم

اسی کی آنکھ سے اپنے ہنر کو دیکھتے ہیں

فرازؔ در خور سجدہ ہر آستانہ نہیں

ہم اپنے دل کے حوالے سے در کو دیکھتے ہیں

na manzilon ko na ham rah guzar ko dekhte hain

ajab safar hai ke bas ham safar ko dekhte hain

na puchh jab wo guzarta hai be niyazi se

to kis malal se ham nama bar ko dekhte hain

tire jamal se hat kar bhi ek duniya hai

ye sair chashm magar kab idhar ko dekhte hain

ajab fusun-e-kharidar ka asar hai ke ham

usi ki ankh se apne hunar ko dekhte hain

faraz dar khur sajda har astana nahin

ham apne dil ke hawale se dar ko dekhte hain