یہ عالم شوق کا دیکھا نہ جائے

یہ عالم شوق کا دیکھا نہ جائے

وہ بت ہے یا خدا دیکھا نہ جائے

یہ کن نظروں سے تو نے آج دیکھا

کہ تیرا دیکھنا دیکھا نہ جائے

ہمیشہ کے لیے مجھ سے بچھڑ جا

یہ منظر بارہا دیکھا نہ جائے

غلط ہے جو سنا پر آزما کر

تجھے اے بے وفا دیکھا نہ جائے

یہ محرومی نہیں پاس وفا ہے

کوئی تیرے سوا دیکھا نہ جائے

یہی تو آشنا بنتے ہیں آخر

کوئی نا آشنا دیکھا نہ جائے

یہ میرے ساتھ کیسی روشنی ہے

کہ مجھ سے راستہ دیکھا نہ جائے

فرازؔ اپنے سوا ہے کون تیرا

تجھے تجھ سے جدا دیکھا نہ جائے

ye alam shauq ka dekha na jae

wo but hai ya khuda dekha na jae

ye kin nazron se tu ne aj dekha

ke tera dekhna dekha na jae

hamesha ke liye mujh se bichhar ja

ye manzar barha dekha na jae

ghalat hai jo suna par azma kar

tujhe ai be wafa dekha na jae

ye mahrumi nahin pas-e-wafa hai

koi tere siwa dekha na jae

yahi to ashna bante hain akhir

koi na ashna dekha na jae

ye mere sath kaisi raushni hai

ke mujh se rasta dekha na jae

faraz apne siwa hai kaun tera

tujhe tujh se juda dekha na jae