دل گرفتہ ہی سہی بزم سجا لی جائے

دل گرفتہ ہی سہی بزم سجا لی جائے

یاد جاناں سے کوئی شام نہ خالی جائے

رفتہ رفتہ یہی زنداں میں بدل جاتے ہیں

اب کسی شہر کی بنیاد نہ ڈالی جائے

مصحف رخ ہے کسی کا کہ بیاض حافظ

ایسے چہرے سے کبھی فال نکالی جائے

وہ مروت سے ملا ہے تو جھکا دوں گردن

میرے دشمن کا کوئی وار نہ خالی جائے

بے نوا شہر کا سایہ ہے مرے دل پہ فرازؔ

کس طرح سے مری آشفتہ خیالی جائے

dil girafta hi sahi bazm saja li jae

yad janan se koi sham na khali jae

rafta rafta yahi zindan mein badal jate hain

ab kisi shahr ki buniyad na dali jae

mushaf-e-rukh hai kisi ka ke bayaz-e-hafiz

aise chehre se kabhi fal nikali jae

wo murawwat se mila hai to jhuka dun gardan

mere dushman ka koi war na khali jae

be nawa shahr ka saya hai mire dil pe faraz

kis tarah se miri ashufta khayali jae