جاناں دل کا شہر نگر افسوس کا ہے

جاناں دل کا شہر نگر افسوس کا ہے

تیرا میرا سارا سفر افسوس کا ہے

کس چاہت سے زہر تمنا مانگا تھا

اور اب ہاتھوں میں ساغر افسوس کا ہے

اک دہلیز پہ جا کر دل خوش ہوتا تھا

اب تو شہر میں ہر اک در افسوس کا ہے

ہم نے عشق گناہ سے برتر جانا تھا

اور دل پر پہلا پتھر افسوس کا ہے

قربت کے اس پیڑ کی شاخوں پر دیکھو

پھول اداسی کا ہے ثمر افسوس کا ہے

ہار کے دکھ سے پچھتاوا بڑھ کر ہے فرازؔ

دکھ کا نہیں افسوس مگر افسوس کا ہے

janan dil ka shahr nagar afsos ka hai

tera mera sara safar afsos ka hai

kis chahat se zahr tamanna manga tha

aur ab hathon mein saghar afsos ka hai

ik dahliz pe ja kar dil khush hota tha

ab to shahr mein har ik dar afsos ka hai

ham ne ishq gunah se bartar jana tha

aur dil par pahla patthar afsos ka hai

qurbat ke is per ki shakhon par dekho

phul udasi ka hai samar afsos ka hai

har ke dukh se pachhtawa barh kar hai faraz

dukh ka nahin afsos magar afsos ka hai