Arooz is now on the App Store, for iPhone and iPad. Download →

All poetry

جو بھی درون دل ہے وہ باہر نہ آئے گا

Ahmad Faraz (1931–2008)

جو بھی درون دل ہے وہ باہر نہ آئے گا

اب آگہی کا زہر زباں پر نہ آئے گا

اب کے بچھڑ کے اس کو ندامت تھی اس قدر

جی چاہتا بھی ہو تو پلٹ کر نہ آئے گا

یوں پھر رہا ہے کانچ کا پیکر لیے ہوئے

غافل کو یہ گماں ہے کہ پتھر نہ آئے گا

پھر بو رہا ہوں آج انہیں ساحلوں پہ پھول

پھر جیسے موج میں یہ سمندر نہ آئے گا

میں جاں بہ لب ہوں ترک تعلق کے زہر سے

وہ مطمئن کہ حرف تو اس پر نہ آئے گا