جب تری یاد کے جگنو چمکے

جب تری یاد کے جگنو چمکے

دیر تک آنکھ میں آنسو چمکے

سخت تاریک ہے دل کی دنیا

ایسے عالم میں اگر تو چمکے

ہم نے دیکھا سر بازار وفا

کبھی موتی کبھی آنسو چمکے

شرط ہے شدت احساس جمال

رنگ تو رنگ ہے خوشبو چمکے

آنکھ مجبور تماشا ہے فرازؔ

ایک صورت ہے کہ ہر سو چمکے

jab tiri yad ke jugnu chamke

der tak ankh mein ansu chamke

sakht tarik hai dil ki duniya

aise alam mein agar to chamke

ham ne dekha sar-e-bazar-e-wafa

kabhi moti kabhi ansu chamke

shart hai shiddat-e-ehsas-e-jamal

rang to rang hai khushbu chamke

ankh majbur-e-tamasha hai faraz

ek surat hai ke har su chamke