غیرت عشق سلامت تھی انا زندہ تھی

غیرت عشق سلامت تھی انا زندہ تھی

وہ بھی دن تھے کہ رہ و رسم وفا زندہ تھی

قیس کو دوش نہ دو رکھیو نہ فرہاد کو نام

انہی لوگوں سے محبت کی ادا زندہ تھی

شہر بیمار کے ہر کوچہ و بام و در پر

ہم بھی مرتے تھے کہ جب خلق خدا زندہ تھی

بجھ گئیں شمعیں تو دم توڑ گئے جھونکے بھی

جس طرح زہر رقابت سے ہوا زندہ تھی

یاد ایام کہ صحرائے محبت میں فرازؔ

جرس قافلۂ دل کی صدا زندہ تھی

ghairat-e-ishq salamat thi ana zinda thi

wo bhi din the ke rah-o-rasm-e-wafa zinda thi

qais ko dosh na do rakhiyo na farhad ko nam

unhi logon se mohabbat ki ada zinda thi

shahr-e-bimar ke har kucha-o-bam-o-dar par

ham bhi marte the ke jab khalq-e-khuda zinda thi

bujh gain shamen to dam tor gae jhonke bhi

jis tarah zahr raqabat se hua zinda thi

yad-e-ayyam ke sahra-e-mohabbat mein faraz

jaras-e-qafila-e-dil ki sada zinda thi