غرور جاں کو مرے یار بیچ دیتے ہیں

غرور جاں کو مرے یار بیچ دیتے ہیں

قبا کی حرص میں دستار بیچ دیتے ہیں

یہ لوگ کیا ہیں کہ دو چار خواہشوں کے لیے

تمام عمر کا پندار بیچ دیتے ہیں

جنون زینت آرائش مکاں کے لیے

کئی مکیں در و دیوار بیچ دیتے ہیں

ذرا بھی نرخ ہو بالا تو تاجران حرم

گلیم و جبہ و دستار بیچ دیتے ہیں

بس اتنا فرق ہے یوسف میں اور مجھ میں فرازؔ

کہ اس کو غیر مجھے یار بیچ دیتے ہیں

ghurur-e-jan ko mire yar bech dete hain

qaba ki hirs mein dastar bech dete hain

ye log kya hain ke do char khwahishon ke liye

tamam umr ka pindar bech dete hain

junun-e-zinat araish-e-makan ke liye

kai makin dar-o-diwar bech dete hain

zara bhi nirkh ho bala to tajiran-e-haram

galim-o-jubba-o-dastar bech dete hain

bas itna farq hai yusuf mein aur mujh mein faraz

ke us ko ghair mujhe yar bech dete hain