غافل بہ وہم ناز خود آرا ہے ورنہ یاں

غافل بہ وہم ناز خود آرا ہے ورنہ یاں

بے شانۂ صبا نہیں طرہ گیاہ کا

بزم قدح سے عیش تمنا نہ رکھ کہ رنگ

صید ز دام جستہ ہے اس دام گاہ کا

رحمت اگر قبول کرے کیا بعید ہے

شرمندگی سے عذر نہ کرنا گناہ کا

مقتل کو کس نشاط سے جاتا ہوں میں کہ ہے

پر گل خیال زخم سے دامن نگاہ کا

جاں در ہواۓ یک نگۂ گرم ہے اسد

پروانہ ہے وکیل ترے داد خواہ کا

عزلت گزین بزم ہیں واماندگان دید

مینائے مے ہے آبلہ پائے نگاہ کا

ہر گام آبلے سے ہے دل در تہ قدم

کیا بیم اہل درد کو سختیٔ راہ کا

طاؤس در رکاب ہے ہر ذرہ آہ کا

یارب نفس غبار ہے کس جلوہ گاہ کا

جیب نیاز عشق نشاں دار ناز ہے

آئینہ ہوں شکستن طرف کلاہ کا

ghafil ba wahm-e-naz-e-khud ara hai warna yan

be shana-e-saba nahin turra giyah ka

bazm-e-qadah se aish-e-tamanna na rakh ke rang

said-e-ze dam-e-jasta hai is dam gah ka

rahmat agar qubul kare kya baid hai

sharmindagi se uzr na karna gunah ka

maqtal ko kis nishat se jata hun main ke hai

par gul khayal-e-zakhm se daman nigah ka

jan dar hawa-e-yak nigah-e-garm hai asad

parwana hai wakil tire dad khwah ka

uzlat guzin-e-bazm hain wamandagan-e-did

mina-e-mai hai abla pae nigah ka

har gam able se hai dil dar-e-tah-e-qadam

kya bim ahl-e-dard ko sakhti-e-rah ka

taus dar rikab hai har zarra ah ka

yarab nafas ghubar hai kis jalwa gah ka

jeb-e-niyaz-e-ishq nishan dar-e-naz hai

aina hun shaksatan-e-taraf kulah ka