کروں نہ یاد مگر کس طرح بھلاؤں اسے

کروں نہ یاد مگر کس طرح بھلاؤں اسے

غزل بہانہ کروں اور گنگناؤں اسے

وہ خار خار ہے شاخ گلاب کی مانند

میں زخم زخم ہوں پھر بھی گلے لگاؤں اسے

یہ لوگ تذکرے کرتے ہیں اپنے لوگوں کے

میں کیسے بات کروں اب کہاں سے لاؤں اسے

مگر وہ زود فراموش زود رنج بھی ہے

کہ روٹھ جائے اگر یاد کچھ دلاؤں اسے

وہی جو دولت دل ہے وہی جو راحت جاں

تمہاری بات پہ اے ناصحو گنواؤں اسے

جو ہم سفر سر منزل بچھڑ رہا ہے فراز

عجب نہیں ہے اگر یاد بھی نہ آؤں اسے

karun na yad magar kis tarah bhulaun use

ghazal bahana karun aur gungunaun use

wo khar khar hai shakh-e-gulab ki manind

main zakhm zakhm hun phir bhi gale lagaun use

ye log tazkire karte hain apne logon ke

main kaise bat karun ab kahan se laun use

magar wo zud faramosh zud ranj bhi hai

ke ruth jae agar yad kuchh dilaun use

wahi jo daulat-e-dil hai wahi jo rahat-e-jan

tumhari bat pe ai naseho ganwaun use

jo ham safar sar-e-manzil bichhar raha hai faraz

ajab nahin hai agar yad bhi na aun use