شب کہ وہ مجلس فروز خلوت ناموس تھا

شب کہ وہ مجلس فروز خلوت ناموس تھا

رشتۂ ہر شمع خار کسوت فانوس تھا

مشہد عاشق سے کوسوں تک جو اگتی ہے حنا

کس قدر یارب ہلاک حسرت پا بوس تھا

حاصل الفت نہ دیکھا جز شکست آرزو

دل بہ دل پیوستہ گویا یک لب افسوس تھا

کیا کہوں بیماریٔ غم کی فراغت کا بیاں

جو کہ کھایا خون دل بے منت کیموس تھا

بت پرستی ہے بہار نقش بند یہائے دہر

ہر صریر خامہ میں یک نالۂ ناقوس تھا

طبع کی واشد نے رنگ یک گلستاں گل کیا

یہ دل وابستہ گویا بیضۂ طاؤس تھا

کل اسدؔ کو ہم نے دیکھا گوشۂ غم خانہ میں

دست برسر سر بزانوئے دل مایوس تھا

shab ke wo majlis faroz-e-khalwat-e-namus tha

rishta-e-har shama khar-e-kiswat-e-fanus tha

mashhad-e-ashiq se koson tak jo ugti hai hina

kis qadar yarab halak-e-hasrat-e-pa bos tha

hasil-e-ulfat na dekha juz shikast-e-arzu

dil ba dil paiwasta goya yak lab-e-afsos tha

kya kahun bimari-e-gham ki faraghat ka bayan

jo ke khaya khun-e-dil be minnat-e-kimus tha

but parasti hai bahar-e-naqsh band-e-yahae dahr

har sarir-e-khama mein yak nala-e-naqus tha

taba ki washud ne rang-e-yak gulistan gul kiya

ye dil-e-wabasta goya baiza-e-taus tha

kal asad ko ham ne dekha gosha-e-gham khana mein

dast barsar sar bazanu-e-dil-e-mayus tha