جب بہ تقریب سفر یار نے محمل باندھا

جب بہ تقریب سفر یار نے محمل باندھا

تپش شوق نے ہر ذرہ پہ اک دل باندھا

اہل بینش نے بہ حیرت کدۂ شوخی ناز

جوہر آئنہ کو طوطی بسمل باندھا

یاس و امید نے یک عربدہ میداں مانگا

عجز ہمت نے طلسم دل سائل باندھا

نہ بندھے تشنگی ذوق کے مضموں غالبؔ

گرچہ دل کھول کے دریا کو بھی ساحل باندھا

اصطلاحات اسیران تغافل مت پوچھ

جو گرہ آپ نہ کھولی اسے مشکل باندھا

یار نے تشنگیٔ شوق کے مضموں چاہے

ہم نے دل کھول کے دریا کو بھی ساحل باندھا

تپش آئینہ پرواز تمنا لائی

نامۂ شوق بہ حال دل بسمل باندھا

دیدہ تا دل ہے یک آئینہ چراغاں کس نے

خلوت ناز پہ پیرایۂ محفل باندھا

ناامیدی نے بہ تقریب مضامین خمار

کوچۂ موج کو خمیازۂ ساحل باندھا

مطرب دل نے مرے تار نفس سے غالبؔ

ساز پر رشتہ پئے نغمۂ بیدلؔ باندھا

ناتوانی ہے تماشائی عمر رفتہ

رنگ نے آئینہ آنکھوں کے مقابل باندھا

نوک ہر خار سے تھا بسکہ سر دزدی زخم

چوں نمد ہم نے کف پا پہ اسد دل باندھا

jab ba taqrib-e-safar yar ne mahmil bandha

tapish-e-shauq ne har zarra pe ik dil bandha

ahl-e-benash ne ba hairat kada-e-shokhi-e-naz

jauhar aina ko tuti-e-bismil bandha

yas-o-ummid ne yak arbada maidan manga

ijz-e-himmat ne tilism-e-dil-e-sail bandha

na bandhe tishnagi-e-zauq ke mazmun ghalib

garche dil khol ke dariya ko bhi sahil bandha

istilahat-e-asiran-e-taghaful mat puchh

jo girah ap na kholi use mushkil bandha

yar ne tishnagi-e-shauq ke mazmun chahe

ham ne dil khol ke dariya ko bhi sahil bandha

tapish-e-aina parwaz-e-tamanna lai

nama-e-shauq ba hal-e-dil-e-bismil bandha

dida ta dil hai yak aina charaghan kis ne

khalwat-e-naz pe pairaya-e-mahfil bandha

naummidi ne ba taqrib-e-mazamin-e-khumar

kucha-e-mauj ko khamyaza-e-sahil bandha

mutrib-e-dil ne mire tar-e-nafas se ghalib

saz par rishta piye naghma-e-bedil bandha

natawani hai tamashai umr-e-rafta

rang ne aina ankhon ke muqabil bandha

nok har khar se tha baske sar-e-duzdi-e-zakhm

chun namad ham ne kaf-e-pa pe asad dil bandha