Arooz is now on the App Store, for iPhone and iPad. Download →

All poetry

اک شخص با ضمیر مرا یار مصحفیؔ

Habib Jalib (1928–1993)

اک شخص با ضمیر مرا یار مصحفیؔ

میری طرح وفا کا پرستار مصحفیؔ

رہتا تھا کج کلاہ امیروں کے درمیاں

یکسر لئے ہوئے مرا کردار مصحفیؔ

دیتے ہیں داد غیر کو کب اہل لکھنؤ

کب داد کا تھا ان سے طلب گار مصحفیؔ

نا قدریٔ جہاں سے کئی بار آ کے تنگ

اک عمر شعر سے رہا بیزار مصحفیؔ

دربار میں تھا بار کہاں اس غریب کو

برسوں مثال میرؔ پھرا خوار مصحفیؔ

میں نے بھی اس گلی میں گزاری ہے رو کے عمر

ملتا ہے اس گلی میں کسے پیار مصحفیؔ